SAMBAH

ALEK
mak!..sngguahpun amak surang nan diimbau,sipaiknyo sugalo silang nan bapangka karajo nan bajunjuang,dek tdi tantang ma aliah2 rundiangan bajlannyo alah baranti,bakato alah basudah,lah kito istrahatkan tantang itu.ruponyo dek kami mamancuang indak sakali putuih,mangauik indak sakali kameh,papanto dibaliak ulak,basiamang dibaliak dahan,ado juo parundiangan lai..
karano lah duduak mamak jo niniak,takalo rundiangan ka dibaco,etongan ka disabuik,
manuruik adaik dgn caro,bataratik bamujilih,balelo bakurenah,bapi'i bakakobeh,tantang itu samo2 kito pakaikan mak!..
ba a tantang nan sambah,ateh bana lilainyo,dirunyam lutuik nan duo,ditakuakan kpalo nan satu,disusun jari nan sapuluah,ta angkek tangan,sambah manyambah dinamokan,baitu adaik nan biaso,baa jikok dek ambo,sakadar rundiangan ka dibaco etongan ka di sabuik,tantang sambah manyambah dima masonyo kito pakaikan,itu dipintak rila jo maaf kapado niniak mamak,ditapekan rundiangan kpado amak,sakian bana dari ambo,,!
MAMAK
sampai sutan?,sapanjang rundiangan sutan nan dtang,lah didlam barih jo balabeh,dilingkuang cupak dgn gantang,manuruik kato sabananyo,jikok mandidih tibo diuang,jikok basanda tibo dibania,lah manuruik kato nan biaso.man kato sutan,mamancuang indak skali putuih,mangauik indak skali kameh,ado juo rundiangan mangkeh kami silang nan bapangka karajo nan bajunjuang.a lah buah rundiangan sutan nan badtangkan,rundiangan disbuik etongan dibaco,
manuruik adaik dgn caro,bataratiak bamujilih,balelo bakurenah,bapi'i bakakobeh,dirunyamkan lutuik nan duo,ditakuakan kpalo nan satu,disusun jari nan sapuluah,kan baitu kato sutan?.
janji ditibokan kpado sutan,sakian bana dari ambo.
tantang sambah manyambah dima masonyo kito pakaikan,kan baitu?itu dipintak sila jo maaf kpado silang nan bapangka krajo nan bajunjuang,kini baitu sutan,tasabuik silang nan bapangka krajo nan bajunjuang.tantu ambo nak bajlan baiyo bakato bamolah,antro ambo baiyo,
janji ditibokan kapado sutan,sakian bana dari ambo.
ALEK
sampai mak?,lah bana kato nan basabuik,lah apa kaji nan baulang,lah manuruik pasa nan biaso,karano amak baduo batigo,nak mancari ulak nan tanang,sayak nan landai,manyauak di nan janiah,maelo di nan salasai,tantang itu dek kami io balapangan mak!..
MAMAK
sampai sutan?,ruponyo dek sutan tantang itu,ibaraik anyuik lah basongsong,tagamang lah bajawek,dibidang parundiangan,alah kasanang hati jo pikiran,baa iyo ambo paiyokan sutan?..


MAMPAIYOKAN PADO URANG SUMANDO


MAMAK

bagindo!..sngguahpun bagindo surang nan di imbau,sipaiknyo sagalo urang sumando kami.disabuik lah nan awa rundiangan dari alek kito nan dtang,bapucuak bakacameh batukuak batambah,a lah tambahanyo,rundiangan dibaco etongan disabuik,manuruik adaik dgn caro,bataratiak bamujilih,balelo bakurenah,bapi'i bakakobeh,dirunyamkan lutuik nan duo,ditakuakan kpalo nan satu,disusun jari nan sapuluah,taangkek dgn sambah.
baa tantang sambah dima masonyo ka dipakaikanyo,itu dipintakanyo rila jo maaf kapado kito,dek ambo baru kato nan bajawab,rundiangan balun bakumbalikan,aa nan lai,istrahat nan bapintak janji bakanaan bangkeh inyo,dek inyo alah balapangan,dek ambo itu nan bapaiyokan pado bagindo,suatu kato ka manjawab kaduo rundiangan kamamulangan,kami mamak lah samo didlam,sakian bana dari ambo!,,
SUMANDO
sampai mak?,,ruponyo dek amak lah bana kato nan basabuik,lah luruih jlan nan batampuah,manuruik pasa nan biaso,dek karano amak kadatangan rundiangan,nak bajlan baiyo bakato bamolah kpado urang sumando amak,ditapekan pado ambo,dek karano tasabuik sugalo urang sumando,tantu ambo nak bajlan baiyo bakato bamolah pulo.antro ambo baiyo janji batibokan pado amak,sakian bana dari ambo.
MAMAK
sampai bagindo?,sapanjang rundiangan bagindo,kok mamahek lah tibo dibarih,manuruik ukua dgn jangko.dek karann bagindo duduak nan saampaan,mak bajalan baiyo bakato bamolah,dek ambo balapangan,paiyokan bagindo..!
<<kembali