KATO MAMPAIYOKAN PADO URANG SUMANDO

MAMAK
bagindo..!sngguah pun bagindo surang nan diimbau,sipaiknyo sugalo urang sumando kami.disambuiklah nan ba awa nan ba akia,bamulai basudah,tempo diawanyo tadi,sutan nan dtang,mandtangkan rundiangan mankeh ambo,alah buah rundianganyo,jikok barangah lah lapeh payah,rokok sabatang lah abih anguih,paluah didado nan lah kariang,inyo nak manampuah jlan nan luruih,ateh kato kabanaran,ojok kpado silang nan bapngka,krajo nan bajunjuang,dtapekanyo kpado ambo
dek ambo kato nan baru bajawab,rundiangan balun kakumbalikan,aa nan lai istrahat baru nan bapintak,janji bakanaan bakeh inyo,dek inyo alah balapangan,dek ambo itu nan bapaiyokan kpado bagindo,suatu kato nan manjawab,kaduo rundiangan mamulangan,kami lai samo didalam.
SUMANDO
sampai mak..?ruponyo dek amak lah luruih jlan nan batampuah,lah bana kato nan basabuik,lah manuruik pasa nan biaso,dek karano amak lah katiboan rundiangan dari alek kito nan dtang,tantu nak bajlan baiyo bakato bamolah,ditapekan rundiangan mangkeh ambo,baa jikok dek ambo,dek karano ambo lah baduo batigo,tantu ambo nak bajlan baiyo bakato bamolah,antaro ambo baiyo janji ditibokan pado amak,sakian bana dari ambo..
MAMAK
sampai bagindo ?

ruponyo dek bagindo,lah bana kato nan basabuik,lah luruih jalan nan batampuah,manuruik ukua dgn jangko,aratinyo nak bajlan baiyo bakato bamolah,duduak saampaan,tagak nan sapamatang,sabandiang duduak sajambo makan,dek kami mamak balapangan bagindo,paiyokanlah..


KATO MAMULANGKAN KA MAMAK

SUMANDO
mak..tdi amak mandtangkan rundiangan pado ambo,tatapi sngguah pun ambo surang nan diimbau,sipaiknyo sugalo urang sumando amak,dek ambo,lah dicari bulek nan sagolek,picak nan salayang,kok bulek lah buliah di golekan,kok picak lah buliah dilayangkan,lah bulek kato jo mupakaik,alah ka ambo pulo mamulangkan rundiangan amak baliak.
MAMAK
sampai bagindo?ruponyo dek bagindo,lah dicari bulek nan sagolek,picak nan salayang,kok bulek lah buliah digolekan,kok picak lah buliah dilayangkan,lah bulek kato jo mupakaik,lah bagindo pulo mamulangkan rundiangan ambo,kan baitu kato bagindo?
kan basuo bak undang2 bagindo juo,nasakah urang panembak,tembak diagiah baalamaik,pandang diagiah batujuan,dek td kan iyo kito nan baadok jo baadang kni lah bagindo pulo mamulangkan,INSYA ALLAH bagindo..!
SUMANDO
sampai mak?ruponyo dek amak kok tagamang lah tajawek,anyuik lah basongsong,alah kasanang hati jo pikiran.disambuiklah nan ba awa nan ba akia,bamulai basudah,tempo diawanyo tdi,alek kito nan dtang mandtangkan rundiangan kpado mamak,a lah buah rundianganyo,kok barangah lah lapeh payah,rokok sabatang nan lah anguih,paluah didado nan lah kariang,inyo nak manampuah jlan nan luruih ateh namo kabanaran,ojok kpado silang nan bapngka karajo nan bajunjuang ,ditapekanyo rundiangan pado mamak,dek amak itu nan bapaiyokan pado kami urang sumando,baa jikok dek kami,lah dicari kato kabulatan,bulek sagolek,picak salayang,kamamulangan rundiangan sutan nan dtang,pulang kpado mamak,kami rang sumando samo didalam.


MAMAK MAMULANGKAN RUNDIANGAN PADO ALEK
MAMAK
sutan!kni iyo lah basuo bak undang2 urang mah sutan,hadih diagiah pakai dalia,kato diagiah pakai misa,jlan tarijaiak baibaraik,putiah alimu banasakah,nasakah urang abang,dek abang wakatu abih dek kari kulimah hilang,dek sunaik paradu tingga,nak dek tinggi talambek jatuah,dek jatuah talambek tibo,tarintang putiak dek buah,talalai kumbang dek bungo,talalai jo talambek rundiangan sutan pulang,lah kini manglo batape'i,kaba a pulo tuah..?
ALEK
sampai mak?ruponyo dek amak,nan marusuah nan mangaya,nan marisau dlam hati nan bak duri dlam dagiang,nan bak tulang dlam rakungan,dibao tagak inyo mamanek,dibao duduak inyo marunyam,raso takalang2 juo,kok sitia lah dek mamak manjlani,kaduo angan2 mambao sansai,tantangan talatak jo talambek,kan itu kecek amak tdi?kni baitu mak,alun talambek jo talalai bana lai mak,manuruik pasa nan biaso juo baru.
MAMAK
sampai sutan?ruponyo dek sutan jikok tagamang lah tajawek,anyuik lah basongsong dlam parundiangan,alah kasanang hati ambo,alah dicari bulek nan sagolek,picak nan salayang,nak sabandiang duduak sajamba makan,sarato niniakmamak dlam nagari,didlam urang ampek jinih,wlaupun urang sumando,karik dan ba'ik simpang balahan,kuduang dan karatan,lah bulek kato jo mupakaik,lah ka ambo pulo ka mamulangkan sutan baliak,sakian bana dari ambo..!
ALEK
ruponyo dek amak lah dicari bulek nan sagolek,picak nan salayang,kok bulek lah buliah digolekan,kok picak lah buliah dilayangkan,lah bulek rundiangan silang nan bapangka karajo nan bajunjuang kamamulangan rundiangan ambo.pulang kpado mamak,kan baitu?dek ambo uranh nasakah urang manembak,tembak diagiah baalamaik,pandang diagiah batujuan,dek tdi kito nan ba adok ba adang,kni lah amak pulo kamamulangan,INSYA ALLAH mak!..
MAMAK
sutan!..nasakah tagamang bajawek,kok anyuik basongsong,alah kasanang hati jo pikiran,disabuik nan ba awa nan ba akia,bamulai basudah,tempo diawanyo tadi,sutan mandtangkan rundiangan mangkeh ambo,sungguahpun ambo nan diimbau sipaiknyo silang nan bapangka karajo nan bajunjuang,kan baitu?,, a lah buah rundiangan sutan diensuik2 baknyo samuik,didayuang2 bak salindik,diganjo suruik bak urang batanam,aratinyo,nak manampuah jlan nan luruih,ateh namo kabanaran,ojok kpado silang nan bapangka karajo nan bajunjuang di tapekan pado ambo,ba a jikok dek kami silang nan bapangka karajo nan bajunjuang,ibarat jlan balapangan pintu basingkoan.
ALEK
sampai mak?,satantang ma aliah2 rundiangan mak,alah ba agiah karandak ambo mak?kito istrahatkan tantang itu lai mak!..