MA ALIH RUNDINGAN

mak !!sungguah pun amak surang nan di imbau namun sifaiknyo sagalo silang nan bapangka karajo nan bajunjuan,baa nyo lai kini,kok barangah lah lapeh payah paluah di dado nan lah kariang,rokok sabatang nan lah anguih.dek silang nan bapangka,jikok auih lah dilatakan aia,jikok litak lah ditatiangkan nasi,lah rasa dek kami pulo nan batangguah..
dek kami,,diensuik2 baknyo samuik,didayuang2 bak salindik,digajua suruik bak urang batanam,
aratinyo nak manampuah jalan nan luruih,ateh kato kabanaran,ojok kpado silang nan bpangka karajo nan bajunjuang ditak an rundiangan pado amak..alah ka buliah rundiangan dibaco mak?sakian bana dari kami..

PANGKA
sapanjang rundiangan sutan nan katangah,lah luruih jlan nan batampuah,lah bana kato nan basabuik,manuruik alua dgn patuik,lah di dlam barih jo balabeh,lah dilingkuang cupak dgn gantang,lah manuruik kato nan sabananyo,akan tatapi tantang itu,tatapek kato tatumpah rundiangan mangkeh ambo,ba a jikok dek ambo,,tasabuik silang nan bapangka,tantu ambo nak bajalan baiyo bakato bamolah,antaro ambo baiyo,janji ditibokan pado sutan,sakian bana dari ambo..

ALEK
sampai mak..?ruponyo dek amak,lah bana kato nan basabuik,lah manuruik ukua dgn jangko,jikok mamahek lah tibo dibarih,lah manuruik kato sabananyo.karano duduak nan baopok,tagak nan bapusu,nak bajalan baiyo bakato bamolah,itulah manuruik pasa nan biaso tu ma!paiyo kanlah...
<<kembali